Transcription
1
Monsieur, jay seullement receu le cinqiesme du present la lettre que vous
2
mavez escripte du XXIIIIe du passé, qui demonstre bien la bonne dilligence
3
de poste de Vallence à qui avez adressé vostre pacquet que des autres
4
postes ; et suyvant ce que vous mescripvez que votre oppinion
5
est que lon ne pourra faire grand entreprinse pour ceste année,
6
la myenne en est approchante, bien que le temps coulle fort.
7
Touteffoys, si lon estoit pour entrer en ces termes, je doubteroys
8
grandement destre des premiers attaquez, estant leur armée de mer
9
ainsi de bout et me sentant assez mal pourveu, combien que
10
lon face courir bruict daller entreprendre sur Alger ou Thunys.
11
Mais pour cela je délibère me tenir sur mes gardes et ne
12
mendormir en centinelle. Au reste, suyvant le commandement que
13
jay du roy de faire retirer lartillerie et municions qui sont sortiz
14
de ses magazins de ceste ville au temps des troubles, ayant
15
trouvé quil y a ung canon à Gap sorti de ladite municion, je vous
16
en ay bien voullu advertir et prier tant que je puys de
17
voulloir escripre aux consulz dudit Gap qui en sont chargez,
18
de le remettre esdits magazins. Et surce, me recommandant
19
bien affectionnément à vostre bonne grace, je suplye au Createur
20
vous donner
21
Monsieur, en bonne santé, longue et contente vye. A Marseille, le
22
Xe jour daoust 1572
23
Vostre plus afectionné et
24
obeissant amy
25
Tande
26
Depuys la presente escripte, jay eu nouvelles quilz estoient arrivé à Gennes huict gallères
27
venans d’Espaigne qui portent le duc de Sexe qui va pour viceroyen Sicille et lieutenant
28
en terre et en mer de Dom Jan d’Austriche ; aussi le duc de Nazare qui va vers le pape
29
pour le congratuler de la part du roy d’Espaigne de son nouvel advancement ; pareillement y
30
est le filz du comte de Palme qui va devers lempereur.
31
Touchant les affaires de Flandres, et y auroient quant et
32
eulx grand noblesse d’Espaigne et soldatz. Elles auroient
33
aussi chargé grand nombre dor et dargent. Autre advis
34
que ledit Dom Jan estoit party de Messine avecque son armée
35
pour aller trouver celle de la Ligue, en ayant commandement dudit roy, et non dentreprendre encore
36
sur Thunis et Algier, ainsi quil déliberoit.
37